Mbretëria e qenushit
Një oborr i madh
Zhurma e kokorizma
Tërë ditën pa ndalë.
Zogjë pula e pata
Ca bibana në mes
Macje e qenusha
Çdo kush kish një ves.
Njeri leh ham-ham
Tjetra mjaullinë
Gjeli maje plehu
Këngën përmendësh din.
Njeri hyp mbi mur
Tjetra në kotec
Një zog atje në kënd
Çalon duke ecë.
Në strofullën e saj
Pula e bënë venë
Ca laraska tutje
Presin ta rrëmbejnë.
Nën hije të manit
Rrin qenushi i zi
Sa mirë që kujdeset
Për mbretërinë e tij!