derr,-i

Përdorimi: emër i gjinisë mashkullore, numri shumës, kuptim i figurshëm, i ligjërimit bisedor, me kuptim keqësues, mbiemër

1. emër i gjinisë mashkullore, numri shumës
   derr,-i -a(t)
   • ▸ kafshë shtëpiake me trup e me qafë të trashë, me këmbë të shkurtra e me #turi të zgjatur, që rritet për mishin, për dhjamin etj.; mashkulli i kësaj kafshe: merr derr (#dosa) mbarset; punon (ha) si derr (bised.) punon (ha) shumë; derr i egër (pylli) (zool) kafshë e tillë e egër me #kreshtë të ashpër e të murrme; nuk ka pyll pa derra (fj. u.); nuk fshihet derri në thes (fj. u.); derri do plumb (fj. u.) e keqja duhet zhdukur me forcë e me rrënjë.
     Shiko gjithashtu: #turi, #dosa, #kreshtë
   • ▸ gjymtyrë e parë a e dytë e disa emërtimeve të pathjeshta në fusha të ndryshme: derr deti (zool.) #gjitar mishngrënës me një feçkë të gjerë e të rrumbullakët, që jeton në det; fruthi i derrave (veter.).
     Shiko gjithashtu: #gjitar
2. kuptim i figurshëm, i ligjërimit bisedor, me kuptim keqësues
   • ▸ njeri shumë i shëndoshë; njeri i trashë nga mendja e kokëfortë: derr me zile (shar.) njeri shumë i trashë nga mendja e i neveritshëm; si nuk e kupton, derri!; të gjithë derrat një #turi kanë (fj. u.); / njeri i papastër; njeri i ndyrë a #maskara: ç’derr që është!
     Shiko gjithashtu: #turi, #maskara
3. mbiemër, i ligjërimit bisedor
   • ▸ si shumë i madh; shumë i rëndë; #alamet, goxha: një derr lopate; një derr vape.
     Shiko gjithashtu: #alamet