lëm/ë,-i

Përdorimi: emër i gjinisë mashkullore, numri shumës, i ligjërimit bisedor, kuptim i figurshëm, ndajfolje

1. emër i gjinisë mashkullore, numri shumës
   lëm/ë,-i -énj(të)
   • ▸ shesh i vogël me një #strumbullar në mes, ku vihen të lashtat për t’u #shirë me kuaj: lëmi i drithit (i grurit, i thekrës).
     Shiko gjithashtu: #strumbullar, #shirë
   • ▸ sasia e drithit të #shirë njëherësh; prodhimi i dalë njëherësh nga #përpunimi i diçkaje: lëmi i parë (i dytë); lëmë ulliri.
     Shiko gjithashtu: #shirë, #përpunimi
   • ▸ koha e shirjes së të lashtave dhe vetë shirja e tyre; koha e vjeljes së pemëve; koha e prodhimit të diçkaje: koha e lëmit; në lëmë të grurit (të rakisë, të pemëve); puno sot e paratë në lëmë (fj. u.).
   • ▸ zgjua, koshere bletësh.
   • ▸ rreth i errët përqark syve; rreth i ndritshëm rrotull hënës a diellit; rreth; njollë e madhe e diçkaje: lëmë gjaku (boje); u bë gjaku lëmë u derdh shumë gjak.
2. i ligjërimit bisedor
   • ▸ gropë e gjerë, ku gatuhet #balta për të bërë sende të ndryshme; vendi ku hapen, thahen dhe piqen këto sende: lëmi i tullave (i tjegullave); / vend i sheshtë e i hapur, ku grumbullohet a zhvillohet diçka; fushë, shesh: lëmi i barit (i pambukut, i leshit); lëmenjtë e kripës grumbull i madh me kripë; në lëmë të qytetit (të fshatit) në qendër të qytetit (të fshatit); lëmi i burrave (i luftës); ra në lëmë të mejdanit.
     Shiko gjithashtu: #balta
   • ▸ numër i madh njerëzish, kafshësh a sendesh; grumbull: lëmë kuajsh (gomarësh); lëmë me #dru (me domate, me #fasule).
     Shiko gjithashtu: #dru, #fasule
3. kuptim i figurshëm
   • ▸ fushë e veprimtarisë së njerëzve: në lëmin e ekonomisë (e arsimit, e kulturës, e shkencës).
4. ndajfolje, i ligjërimit bisedor
   • ▸ si plot; grumbull: e gjeti të shtruar lëmë; u mbush vendi lëmë.