víj/ë,-a

Përdorimi: emër i gjinisë femërore, numri shumës, fjalë në gjeometri, kuptim i figurshëm, fjalë në muzikë, ndajfolje

1. fjalë në gjeometri
   víj/ë,-a -a(t)
   • ▸ shenjë e hollë dhe e zgjatur nga një pikë te një tjetër; diçka e ngjashme me këtë shenjë ose e përfytyruar si e tillë; kufiri anësor i një sipërfaqeje; shenja e këtij kufiri: vijë pingule (e lakuar); vijë e drejtë (gjeom.) drejtëz; vijë e thyer (gjeom.) vijë që zgjatet në drejtime të ndryshme; vija e ekuatorit (gjeogr.); vijat e pentagramit (muz.); vijat e fushës së futbollit; vijat e bardha #breza të ngjyer në rrugë brenda të cilëve lejohet kalimi i këmbësorëve; vija e flokëve shtegu i flokëve; vijat e pantallonave; fletore me vija.
     Shiko gjithashtu: #breza
2. emër i gjinisë femërore, numri shumës
   • ▸ rrip i ngushtë ngjyre etj.; kufiri që ndan diçka ose që shënon caqet e një sipërfaqeje a të një hapësire; diçka në trajtë #brezi: vijë kufitare kufiri midis dy shteteve a krahinave; vijë ndarëse (ndarjeje) vija kufitare ndërmjet dy shteteve a ndërmjet zonave të pushtimit brenda një shteti; / #brezi tokësor që ndan dy ushtri ndërluftuese gjatë armëpushimit; vija e frontit (usht.); vija e mbrojtjes (usht., sport.); vija e armëpushimit (e ndalimit të zjarrit) (usht.); vija e verdhë (ndërt.) kufiri brenda të cilit lejohen ndërtimet në një fshat a në një qytet.
     Shiko gjithashtu: #brezi, #brezi
   • ▸ e thelluar e gjatë dhe e ngushtë që hapet në tokë për të kaluar uji; rrjedhë uji; #hullia e plugut në arë etj.: vijë kulluese; vija e mullirit; një vijë nuk e kthen lumin prapa (fj. u.); / e thelluar në trajtë vjaske; rrudhë; #vragë; vijëz: vijat e dorës (e ballit); vijat e qerres tragat; vijë gjaku.
     Shiko gjithashtu: #hullia, #vragë
   • ▸ rrugë komunikacioni në tokë, në ajër a në det; sistem telash a kabllosh për lidhje telefonike e #telegrafike ose për rrymën elektrike; linjë: vijë ajrore (ujore, detare); vijë telefonike; në vijën Tiranë-Gjirokastër.
     Shiko gjithashtu: #telegrafike
   • ▸ rresht; kolonë: në vijë të zhdërvjellët (usht.); u vendosën në një vijë (në dy vija).
   • ▸ drejtimi i diçkaje: vija e shikimit (e të parit); vijë shënjimi (usht.) vijëshënim; vija e fluturimit të predhës.
   • ▸ varg njerëzish që kanë një paraardhës: në vijë të drejtë në lidhje të pandërmjetme gjaku.
3. kuptim i figurshëm
   • ▸ rruga që ndjek një parti, një qeveri etj.; pikësynimet e qëndrimeve a të veprimeve të dikujt; ecuria e zhvillimit të diçkaje; drejtim; rrugë (edhe në njësi #frazeologjike): vijë e drejtë (#parimore); vijë #ideologjike (politike); shkeli vijën; është në vijë (dikush) është në rrugë të drejtë; (diçka) është në rregull; e solli (e vuri) në vijë e solli në rrugë; erdhi në vijë erdhi në rrugë; e ka punën në vijë i ecën puna mirë.
     Shiko gjithashtu: #frazeologjike, #parimore, #ideologjike
4. fjalë në muzikë
   • ▸ vijueshmëria e rregullt e notave a e toneve: vija melodike (muzikore).
5. ndajfolje
   • ▸ si me shumicë, #rrëke: i shkonte gjaku vijë.
     Shiko gjithashtu: #rrëke