Vend ku lëshova klithmën e parë
Vend ku hapa sytë
Vend ku fillova të ndjej
Je Prishtina ime

Vend ku thirra
Nënë e baba
Motër e vëlla
Në ty Prishtina ime

Vend ku u rrita me Prishtevkën e Vellushën
Vend ku shkela rrugën e rrugicën
Vend ku mësova shkollën e luftën
Në Prishtinën time

Vend ku ma mësuan tymin e dhunën
Vend ku përjetova diskriminimin e torturën
Vend ku më mësuan t’i urreja
Vend ku mësova të luftoja
Për Ty Prishtina ime