Tingëllim, bukurija kurr s’t’humbasë
qyshse Danti t’amshoi me t’madhen lyrë:
prej dashunije fshân gjithnji kur hasë
Beatriçen kah përshndet’ me aq t’âmbël mnyrë;

n’ty ende qán Petrarka e vaji n’gjasë
t’nji kroji rrjedh ku qartas si n’pasqyrë
prap bota vron me mrekulli t’pamasë
Lauren qimjare t’hijshme kejèt n’ftyrë.

Kisha me dashtë edh’un me i a përmendë
s’dashunes s’ime emnin larg ndër mote
porsi poett qi rrojn’ sa bota e dielli,

por vargjet qi kunor’ shkoj tue ia endë
veç nji prendver’ mâ s’ngjasin n’ftyr’ t’ksaj bote
aq koh’ sa lulet qi çel’ drandofilli.