Dëshpërimisht e lumtur sonte!
I huaj ky shtrat,
ku ngjizet dëshira-dhimbje,
e ku prushitet mbarim-fillimi i dashurisë.
I pari shtrat për ne.
Pafundësisht i fundit…
E vetmja fushë-betejë e paqes,
ku duhemi duke u vrarë,
ku vritemi për t’u dashur…

Dëshpërimisht, e lumtur sonte!
Fshehur në terr, më mungon
hëna e vështrimit tënd.
I pari shtrat për ne,
I përgjithmonshmi…
Ti po më çmend!