I gjithë Sekreti asht që të ndalesh,
pa u mendue shumë,
pa u mendue aspak.
Të rrish ashtu i qetë
e frymë thellë të marrësh,
në Heshtje tu' qendrue
pa u lodhë e pa u sforcue,
aq sa të duesh
e diçka mâ shumë,
sa mâ shumë t'jetë e mujtun.
Rri ashtu në paqë
thjesht tu' kundrue,
pa u mendue,
pa u shqetësue!
Rri derisa t'ndigjosh
zânin kumbues të Heshtjes!
E veç kur ta ndigjosh,
ngrihu edhe shko
atje ku Heshtja të udhëzon!