Çfarë ke zgjedhur në këtë jetë
E çfarë ke hedhur, gjë pa vlerë
Gëzime e trishtime
Largime dhe përqafime.

Ndjenja dhe emocione
Paqe, e momente djallëzore.
Fol dhe ndaj me njerëzit çdo gjë
Dhe ndonjëherë merr si këmbim asgjë.

Të varfër e të pasur
nga njerëzit e tjerë të varur.
Për mos përmendur fjalën zhvatur
njerëzit heshtjen kanë mbajtur.

Tani s'ka më, shumë mirësi
disa njerëz interesohen veç për pasuri
Kalojnë ditët pak nga pak
ecin netët me avash

Ne në fund një mesazh nxjerrim
Presim momentet e lumtura  të mbërrijn
Ditët e trishtime ne t'i harrojmë
të qeshim pak për lumturinë që gëzojmë.

Jeto, se jeta është për të jetuar.
Gëzo, se jeta është për t'u gëzuar.
Vazhdo përpara se asgjë s'të ndalon,
Jeto si të duash se jeta nuk zgjat përgjithmon!

S'është e lehtë të shkruash
ato që ndien të përshkruash
Të thuash si ke kaluar
Jetën tënde si e ke jetuar.