Alma Braja
Pemë
Në të ardhmen do të jem pemë.
Si ato pemët,
që nuk kanë lule në pranverë.
As fruta në fund të verës.
Nga ato pemët,
që nuk zhvishen në vjeshtë.
E në dimër,
mbartin dëborën për qejfin e tyre.
Në të ardhmen,
do të duroj në trup
gdhendje të ndryshme ndoshta.
Ose fole zogjsh,
kështu,
për të thënë se më vonë,
ende jam pemë.
Mbi mua
do të lulëzojnë bimë të tjera.
Jetë të tjera do të lindin.
Mund të jem poezi në të ardhmen.
E një peme që nuk lindi jetë.
Por që mbarti jetë.
Në të ardhmen, mundet të jem pemë.
Si ato pemët,
që nuk kanë lule në pranverë.
As fruta në fund të verës.
Nga ato pemët,
që nuk zhvishen në vjeshtë.
E në dimër,
mbartin dëborën për qejfin e tyre.
Në të ardhmen,
do të duroj në trup
gdhendje të ndryshme ndoshta.
Ose fole zogjsh,
kështu,
për të thënë se më vonë,
ende jam pemë.
Mbi mua
do të lulëzojnë bimë të tjera.
Jetë të tjera do të lindin.
Mund të jem poezi në të ardhmen.
E një peme që nuk lindi jetë.
Por që mbarti jetë.
Në të ardhmen, mundet të jem pemë.