Sa mirë u mbështolle me hije fluide
Kapërceve zgavrave të ylberit të fjetur
Andej të dieles sime të braktisur

Askush s’rëndon më
Bebëzave tua të buta
As s’err peisazhin tënd të bardhë

Sa mirë hodhe tufa gjembash ati shtegu
Më shmange nga të gjitha galeritë e rinjohjes
Më le vetëm
Me djallëzitë e tua
Duke më gëlltitur
Shkretëtirës tënde të shpirtit

Eh fundi i të dieles
Piramidë astrale