Tani që më erdhi në mendje
është koha ta them me fjalë
e prisja që herët
më të mirin moment
po ja që tash më erdhi
ta them
jeta jeton rebelueshëm në mua
e unë paqësor e i urtë
çuditshëm dhe se di pse!

Para kuptimit, para mendimeve
atje shikon stina. Shikon moti
sikur të mos e kisha një dëshirë
të madhe
do t’ia mësoja vetës
mos me dashtë shumë
ose me dëshirua më ndryshe

e krejt kjo të kishte formulë
do ta formuloja
prej fillimit
do të shkoj unë të mendimet e mëdha
por ato do më thonë
jeta jeton në ne
prandaj mendoje mire jetën

në cilën ditë
cilën datë dhe orë
kemi mbërritur këtu
teksa nuk po e shijojmë
at vetën tonë të kërkuar që moti
na kërkojnë të tjerë
edhe ne i kërkojmë,
se si, kush s’e gjene pak vete në tjetrin
na ka marrë, vërshuar çudia

kur koha i ndez motorët e jetës
shihet e shkuara hileqare
tek fshihet pas majës së kujtesës
Aah bre, sa duhet nganjëherë harresa

porosia ime për ty
nuk plaket
edhe pse ti po rritesh
e unë po plakem
gjithçka ecën tutje

Nisu pra, mos humb kohë.