Unë ndjehem mirë foli muza
Kur nata mbyll qepallat e lodhura mbi sy

Sodis fluturat që vallëzojnë në hapësirë
Veshur me fustana lara e kuq e zi

Tri herë i tha muza fluturës shtatgjatë
Sikur të kisha nuse tre fustana do t’i ndërroje në ditë

Kur të bie nata do të merrja në krahë
Ta bënim gjumin majë kodrinës ku hëna lèshon dritë

Atje në pyll s’ka zhurmë monotone
As drita neoni as rrok muzikë

Majë plepave dëgjon ulërima ujqish
Por unë të mbaj në gji e ti fle në krahërorin tim pa frikë

Monolog nate