Shumë flitet për ty dashni
Rrëfime të ëmbla, vuajtje e kënaqësi
kujtime të hidhura, lot e xhelozi,
mirë e keq askush s’e di.

Je e urryer kur dështon
E këndshme kur lulëzon
Nuk ki mes
Shkëlqen ose vret

Ti nuk shfaqesh shpesh
Nuk përshkruhesh me fjalë
Je mjaltë kur shijohesh
Në vuajtje e rëndë sa një mal

Ti të dërgon në qiell
Të shtrin edhe përdhé
Nxin si nata, ndrit si diell
E këndshme dhe e urryer je!