Mbase fajin e kishte antena e televizorit bardh e zi që ishte sajuar me kanaçe birrash e tundej sipas ritmit të erës mbi çatinë e shtëpisë prej guri. Apo mbase e kishte fajin Rai Uno që e dha atë dreq filmi, ku më vonë ai do të bëhej shkak që do të ndëshkonte vajzën e vogël. Mbase mund ta kishte fajin edhe Sofia Loren që me rolin e filmit dhe me bukurinë e saj trupore, vraponte e shkujdesur nëpër plantacionet napolitane, e do të inspironte vajzat adoleshente të qepnin fustane si ajo. Se dimë!…….