Gjithë ushtria mbarë osmane
Rreshtuar në rradhë indiane
U lut turku si profeti
S'isht betejë, qe "Ditë Kijameti"

Frikë e madhe prej shqiptarit
Mic Sokolit, bajraktarit

Forca t'shumta, përforcime
Gjeneralë dhe armatime
Jataganë, gjyle e topa
Fushëbeteja gropa gropa!

Çdo osman u mblodh, u struk
Dhe bërtitën: - "Arnaut"!

Nuk e priste jatagani
Trupin e këtijë vigani
Drejtoi topin vetë osmani
Veç ashtu trimin e mundi
Gjyle topi dhe baruti

Mic Sokoli, Bac Burrnia
U shtang gjithë Perandoria
Vetëflijimi, vetë trimnia

Në Slivovë ra një kreshnik
I cili u ngrit në mit!