Një zonjë vjetër e pyeti konduktorin tek dera e autobusit se deri ku shkon autobusi e kondukerit i tregoi se shkon vetëm deri tek Pallati i Rinise.

Kjo grua në moshë nuk hipi në autobus dhe nuk e dita arsyen se pse nuk hipi. Mbeta i ngelur në mendimin e plakës nëse asaj i kishte ngelur hatri se autobusi po ndalet te pallati i rinisë e jo diku tjetër e mosha e saj nuk përkonte me rininë e më ikte buza në gaz nëse ishte kjo apo e imagjinoja unë në mendimet idiote të mija.

Autobusi u nis e unë isha në këmbë dhe isha futu thellë në mendimet e mija derisa shikoja xhamin e qullur nga shiu e në banesë nuk kishim ujë.
Ndalet autobusi e bërtet konduktori, shtynu’ se ka udhëtar e mos i leni mu u vanu’ per pune, bëjani nga një vend. Nga turma e madhe e udhëtarëve nuk hipi një grua me karroce me bebe sepse ne ishim shtypur e konduktori nuk e di nëse ndjeu keqardhje, mirëpo i tha: Po e sheh edhe vet prite autobusin tjetër vjen mbas 5 minutave?

Ne paguanim biletat edhe pse ndjeheshim si ne trenin gjerman qe i bartke judët dhe i drejtonte tek kampet naziste ku shkruante "Arbeit macht dich Frei" pra, "puna të bën të lirë". Mendimet e mija përsëri me shtynë ne djallëzi nëse ish fjala per pagat qe i marrim të ulëta e quhemi punëtorë të lire për nga çmimi. "Hej ti hape dritaren se u ngulfatem" zëri qe më nxori nga mendimi ishte i një zonje rreth të 50tave që nuk e di nëse ishte edhe e parfimosur sepse aromat në autobus që dominon ishin djersitje, hudhër apo qepë. Një burrë ia vuloste fjalët e saj si ofiqar komune e i tha "Birrolla t ‘koftë". Aty e dëgjova edhe një zë të shterur nga mosha " po të saktojke prymaja" me demek njet se kam me hap.

Autobusi ishte ngrohet ani pse nuk na ofronte ngrohtësi, përsëri ika nga mendimi sepse dëgjohej një melodi e telefonit fiks dhe mbeta në mendim se si funksionon pa kabullën e tij, kur e nxjerri telefonin një xhaxha, një çun i tha tjetrit e paska telefonin me tre plloça. U futa ne mendime pse tre plloça deri sa më ra një pikë uji në kry nga çadra e një djali qe i kishte mbetur dora larte e e kuptova se bëhej fjalë per tre kamera.

Hapet dera e autobusit në të cilën kishim paguar nga 40 cent, aq vlerë sa na shihte edhe konduktori kur na shtynte me duar që me na zënë autobusi.