Qielli është i ngushtë për ne të dy.
I mblodhëm të gjitha bekimet e tij
Tani nuk kemi më shtëpi, jemi fëmijë të askujt
e menduam se Zoti ka caktuar të takohemi
jo për të dyfishuar gëzimet,
por për të ndarë brengat.

Toka është shumë rrumbullake,
për të kuptuar mprehtësinë e këndeve,
të formave të ashpra gjeometrike
ku jeta na ka vënë.
Dhe aq të robëruar në dimensione të shumta,
shpresojmë të jetojmë në mënyrë lineare.

Thua: fati pranon shpërblesë,
por ai nuk pranon monedha të imta.
E ne nuk kemi miliona për ti dhënë …
të na lejojë të jetojmë pranë njëri – tjetrit,
aq sa dëshirojmë,
aq sa meritojmë.