Të ndryshosh do të thotë të dish,
çfarë sot është ndryshe te ti!
Ndryshim nuk është
çdo fije e bardhë që shtohet,
as shprehja
që ta shton në ballë një vijë.
Ndryshimi
është një stinë e moshës,
kohë që ikën
dhe kohë kur do të kthehesh,
nuk ka nevojë
të tregojë zbardhje flokësh,
mjaftojnë gjurmët në ballë
që të rrefehesh.
Të ndryshosh,
për tu dukur i kohës,
në ditët me borë, shi e mjegull,
të ikësh,
veç sa për të na njohur,
e për të na harruar
të kthehesh!