Ngado që udhtoj,
Më pyesin nga je,
Shqiprin' u tregoj,
Më t'bukren mbi dhe.
Me shumë krenari,
U them jam shqiptar,
Asnjë padrejtsi,
Nuk na ka përçar.
Ballin të shënuar,
Me shqipe në plis,
Ky Komb i bekuar,
Më i lashti fis.
Vesh' me fustanella,
Çakçir e xhubletë,
Rrënjët ke të thella,
N'histori përjetë.
Shqipet kurr' nuk vdesin,
Fluturojnë mbi re,
Vendin kurr' s'e shesim,
Vdesim si me le.
Gjithmon' do të jemi,
Një Komb n'tokën tonë,
Trojet k'tu i kemi,
K'tu ësht' "votra" jonë.
Mbi male kreshnike,
Mbi tokë e mbi det,
Shqipëri etnike,
N'histori përjetë.