Sa i madh ky shesh për ambicien njerëzore
I vogël për ritmin e jetës së larë në dashuri

Kjo këngë shumë e gjatë për ekuilibrin
Tej mase e shkurt për detin dhe lundrimin

Të cekëta këto llafe dhe krejt dështime të qarta
Paksa të thella për kronologjitë e ditëve të ngrohta

Qasje e ngushtë kjo dhe lehët rikthen historinë
Për kujtime e gjerë dhe bilanc i sigurt për mërzinë

E re kjo kohë si ajri i padukshëm çdo gjë përfshinë
Por pak e vjetër për të nesërmen dhe ardhmërinë

Sa e plotë kjo dëshirë sikur çdo mal përthekon
Por kjo zbrazëti dhe ky cen sikur pak e dështon

Sa e rëndë kjo ëndërr mbi kraharor për ta bartur
Sa e lehtë kjo pasdite dhe jemi zgjuar apo ëndërr?!...