Shtëpia një kat'she
mbas pallatit t'kulturës,
përball' kinemaja,
djathtas lagjja e matanurës.

Në qendër lulishtja
me monumentin i dëshmorëve;
majtas një mapo,
afër saj një bylmetore.

Në të djatht' një këpuctar,
fotograf e ëmbëltore;
pak me sipër posta,
përball' saj një akullore.

Për t'shkuar në gjimnaz
zgjidhja rrugën nga kinemaja;
pastaj kthehesha nga qendra,
Shijaku për mu ishte "dynjaja"!

Kan' kaluar vite
që jetoj larguar;
sa her' kthehem ndihem e huaj,
Shijak i dashur, ke dryshuar...