nga paleta e piktorit
sikur rastësisht
u derdhen të gjitha ngjyrat
dhe ti u bëre lule shumëngjyrëshe

gonxhet tua larushe
i dhanë bukuri luleve në livadh

bardhësia e petaleve tua
vriste borën në male

gjethet tua të blerta
ia falen gjelbërimin fushës

qerpiku rreth syrt tënd të zi
iu bë krah dallëndyshes në fluturim

nga buza e jote e kuqe
qershia në degë mori shkëlqimin e kuq

kurrë nuk kam parë këso bukurie