Të notoj në gjelbërimin e vreshtave Françeze
Më furçëzën e krijuesit të paepur
Sytë vërsulen në ngjyrat e thellësitë së natyrës
Të imagjinoj pikturën Van Gogh.

Shetitjen të shijoj bulevardeve
Dehem në bistrot Pariziene
Shoqërohem përball fotos së Ernestit
Ulem në karrigën Hemingway.

Të jem pjesë e ahengjeve mistike
Para shtëpisë së bardhë në West Egg
Muzika e lehtë negro-spirituale
Lartë në dritare qëndron Scott Fitzgerald.

Apasionuar pas penës aristokrate
Kujdestar e vargjeve flakëruese
Ndiej mjeshtrinë e poezisë
I yni poeti Prizreni