prit e prit më shkoi jeta
pres të më vijë lulja në derë
me aromën e saj të këndshme
të mos pres kot si për herë

te pragu më zë një dremke
gjumin meraku ma përpiu
në dritare një rreze dielli
lotët mbi faqe m'i fshiu

natën fluturoj nëpër ëndrra
mëngjesëve shpresën përtëri
pranvera mbushur me aroma
bëhu mehlem për gjithë njerzimin

prit e prit durimin e humba
llastarët po i mbulon tymi
nga supët malet i shkunda
me yjët këngës ia mora