Ti mos u lodh të kuptosh
ku qëndron sekreti im.
Unë nuk jam e bukur
format e mia i përsos lëvizja...

Kur unë filloj të tregoj,
ti mendon se unë jam duke thënë gënjeshtra?!
Unë them qielli është në krahët e mi
hapësira është në sytë e mi,
e ardhmja është në hapin tim...

Dëgjo se çdo të të them tani:
pranvera është në frymën time
hape gojen të të jap jetë
Vjeshta është në buzët e mia
lermë të të thith nektarin
e të marresh mjaltin
curril në harrimin e çastit tonë...

Unë jam një grua
mos u lodh duke menduar
se çfarë të tjerët shohin në mua.
Ata përpiqen aq shumë,
por nuk mund të prekin misterin tim
preke ti,
te lutem...

Ata nuk mund ta shohin
dritën e ninëzës time
pas prekjes se diellit tënd
është dritë që dhëmb...

Unë vetem Ty ta them
Vetem Ty ta tregoj!

Ti shiko harqet e ylbereve
mbrapa bresherit tim
diellin e buzëqeshjeve të mia,
udhëtimin e gjinjve të mi,
Hirin e stilit tim...

Tani ti mund ta kuptosh
pse koka ime nuk është ulur.
sepse unë nuk shaj
une hesht kur duhet të flas me zë të lartë
te egër
te vërtetë..
hesht dhe gumëzhij si erë e gjelbër!

Kur me ndjek
Kur më sheh mua duke kaluar thjeshtësisht
pa bujë
pa kreni boshe
kjo duhet të bëjë që ti të ndjehesh krenar...

Unë të lutem
beso gjurmën që le këmba ime,
pëkedhel hijen e flokëve të mi
leri gishtërinjtë e tu
në pëllëmbën e dorës time...

Une jam grua
une do te kujdesem qe ti te jesh mirë
edhe sikur zemrën
të ma bësh thërrime...