Hesht ! Këtu nuk ja vlen më të flasësh
Leri të çirren po të duan, ti vetëm dëgjo !
Se në këtë mes, kurre s’mund t’ia dalesh
e kupton ? …Bota jote, nuk është kjo !

Hesht ! Dhe le të flasin deri sa të lodhen
një ditë, heshtjen tënde ndoshta do kuptojnë,
Por ka mundësi, që dhe me ty të tallen
sepse gojët e liga, kurrë nuk pushojnë !

Hesht ! Është më mirë për ty, të ruash qetësinë
dhe pse bota jote, nën këmbë po të shembet !
Po të duash fol, por këtu s’e gjen dot drejtësinë
dhe mirësia, kushedi se në ç’qiej endet !