Besimtarë të të gjitha feve,
o njerëz të mbarë kombeve,
bashkohuni!

Si gjelbërimi nëpër lëndina,
sikur gjethet-o në pranverë,
lulëzoni!

U erdh fundi dymijë viteve,
iku koha e zinxhirëve,
fluturoni!

Me një zemër, plot hare e gëzim,
me një zë si të bilbilave,
këndoni!

S’ka tashmë luftëra, as hakmarrje,
s’ka më gjakderdhje, as përçarje,
dashuroni!

Mjaft ngatërresë mes "perëndive"!
Mjaft pushtet i superfuqive!
Se veç një Zot është i vërtetë
dhe vetëm Ai sundon përjetë.

Mijëvjeçar i Tretë fatbardhë,
n’Botë të Re: Mirë se ke ardhë!