Le të dridhet toka nga tërmetet,
të shpërthejnë vullkane e stuhi,
mal në këmb mos të mbetet,
ne do duhemi, gjithsesi.

Sikur qielli nga yjet të zbrazet,
ligjet e natyrës të bëhen nul,
oqeane, dete sikur të thahen,
ne do duhemi, si dikur.

Sikur dielli fare të shuhet,
toka të bëhet shkrumb e hi,
edhe hëna sikur të zhduket,
ne do duhemi, gjithsesi.

E gjithë bota të na urrej,
të na përbuz, të na hyj në hak,
edhe jetën mos të na kursej,
ne do duhemi, prap se prap.

Sikur koha të na ndaj,
fati, vdekja, gjithashtu,
përjetsisht larg të na mbaj,
ne do duhemi, si ketu.