Sharkinë n`dorë e kam marrë,
Të këndoj për një këngëtar,
Këngën unë ia kushtova,
Vebi Azirit nga Kërçova.

Prapadishti buzë Ujmirit,
Është vendlindja e shahirit,
Më 35 -sën t`shekullit njëzetë,
Vebi Aziri erdh në jetë.

Rrjedh nga një familje bujare,
Patriotike, atdhetare...
Për kauzën kombëtare,
Jetë e gjak, s`i kursyen fare.

Që nëntëvjeç fatkeqsisht,
Mbet jetim i dyfishtë,
Partizanët gjakatarë,
Familjes i vranë katër antarë!

I vetmuar nën mëshirën e Zotit,
Kurrë s`iu terën sytë prej lotit,
Më të afërmit u kujdesuan,
Të vazhdojë jetën i ndihmuan.

I moralshëm me autoritet,
Prej qytetarëve gëzon respekt,
Në zemër ka besnikrinë,
Është i dashur për shoqërinë.

I kompletuar si artist,
Kantautor, letrar, publicist...
Shumë komik si humorist,
N`rini trainer dhe fudbollist.

Me aftësitë e vetëvetes,
Përballoi sfidat e jetës,
Inzhinier me profesion,
Punoi pa ndal deri n`pension.

Kur nisi punën në fillim,
Disa vjet punoi n`arsim,
Pastaj n`fabrikën teknologjike,
Si udhëheqës i byros teknike.

Me një mandat katërvjeçar,
Punoi n`komunë si nënkryetar,
E ndiente si obligim kombëtarë,
Andaj punësoi shumë shqiptarë...

Postit tjetër sa i përket,
Punoi n`kuvend si deputet,
Të Republikës së Maqedonisë,
Në kuadër të ish Jugosllavisë!

Që t`mos lahen me lot faqet,
Mes shumë familjesh pajtoi gjaqet,
Ndër shqiptarë t`ketë dashuri,
Jo hakmarrje, as hasmëri.

Themeloi klube fudbollistike,
Shoqëri kulturo - artistike...
Me sipërmarrjen e tij për projekte,
Ka ndërtuar shumë objekte...

Në vitin dymijë e tetëmbëdhjetë,
Ishte delegat i kongresit III -të,
Të Lidhjes së Shqiptarëve n`Botë,
U mbajt nga humanistë e patriotë.

Një pjesë t`familjes e ka n`mërgim,
Shpeshëherë syçelë deri n`agim,
I digjet zemra gjithmonë nga malli,
Katër dekada, lotët s`i ndali!

Gjatë karrierës artistike,
Këndoi bukur këngët polifonike,
Këndoi n`shumë gëzime familjare,
Por, jo për përfitime materiale,

Populli veprat ia ka vlerësuar,
Thellë nga zemra e ka falenderuar,
E nderoi me shumë shpërblime,
Dekorata, mirënjohje, çmime...

Ky kolos i melosit burimor,
Shkëlqen akoma si yll qiellor,
Një legjendë e gjallë kombëtare,
Ikona e këngës kërçovare!