Ka zbritur nga qielli kaltëror
shpirti i bukur engjëllor
ëmbëlsia e fjalës së saj hoje mjalti
bukuri e rrallë dhunti nga zoti

në hiret e fytyrës
ka të lulëzuar beharin
për çdo dhimbje është lule balsami
në buzëqeshjen engjëllore
ka qiellin e paqësuar
nënë hyjneshë det i qetësuar

të gatuar në shpirt ka dashurinë
në dritën vezulluese të syve ia gjenë lumturinë
dora ledhatuese e saj
vjen të merr si një meteor
të përkund në ëndrra me yjet qiellor

Nënë hyjneshë
netëve të gjata pa gjumë
që mbanë hënën zgjuar n’përgjim
në çdo cep të botës të mbron yti bekim