Një ditë more guximin
bamirësisë i dhe betimin
kudo mjerimin deshe ta shuash
askund n’botë fëmijë mos t’vuaj

kur në shpirt të trokiti dhembja
mijëra sy u ndeshën në Ty
përnjëherë fale buzëqeshje
n’zemra ngjalle mijëra shpresa

për çdo natë lutje dhe falje
me buzëqeshje përkunde botën
përkëdhelja jote shëroi dhembje
aromë Gonxhe mbulove tokën

Shën Terezë të njohu bota
shpirt human dhe engjëllor
kur në tokë u shfaq varfëria
zbrite engjëll nga perëndia

kur e panë se ç’është shënjtëria
misioni yt m’poshti varfëri
tu përkulën dijetarët e kësaj toke
Nënë Dardane, Nënë Bote