Kur vapa të më marrë në krahë
e Dielli të jetë shtatë pash mbi re
Kur detit "në këmbë ti hyj"
e dallgës ti them: -
"Urtë se të dërgova nga erdhe"...!
Kur me ujë të jem njomur
e afër të kem freskinë...
Do të ulem në breg të detit,
mbi rërë të valëzuar si dallgë
Të shkruaj te përjetshmen, poezinë...!

Dy rreshta për ty, për mua e të tjerë...
Do ti këndoj dashurisë së bukur,
derisa në det "të hyjë në këmbë"
edhe rëra "gjysëm e vdekur"...!
Me ritmin perkushtim të këngës sime,
të vallzojë për dashuri "e djegur"...!