Ditët ikin, koha s’ndalet, jo
Ti s’je si dikur, je ndryshe
Ke ndërruar, je plotësuar, po po
Je më e gjatë, s’je vocërrake siç ishe

Gati katër vite ke, u rrite
Gati flet me mua, si unë
Do të shkojnë edhe më tej këto vite
Ti do të jesh edhe kur s’do t’jem unë

E një ditë do t’kujtosh babanë, kohën tonë
Sy më sy si shikoheshim gjatë
Ditën qoftë apo natës vonë
Dhe do t’ndjesh një shtrëngim te krahtë