Ç’është kjo lodhtësi
Në trupin tënd
Ç’janë këto gjëma
Ç’janë këto djersë.

Ç’janë këto fjalë
Që tingëllojnë
Si fjalë lamtumire
Apo për diçka kërkon ndjesë

Nga çasti në çast
Sytë tu vetëm nisën mbylljen
Trupi yt nisi ftohtësimin
Zëri yt e nisi belbëzimin.

Me një zë të butë
Nise të japësh amanet
Bija ime ma bëj hallall gjinin
Se nëna po ikën nga kjo jetë.

Dorën mua ma lëshove
Ike si një meteor
Ti nga unë u largove
Tërë atë ditë dhe qielli lotoj.