Kam mall të hesht
Kur nuk është për të heshtur
Më sfilit
Egoizmi idiot
I oratorëve delirantë
Që kanë zaptuar median
Dhe populli
Dëgjon e sheh çdo ditë
Të njëjtat gënjeshtra
Mashtrime të përsëritura
Të të paudhëve
Që shesin e blejnë
Në emër të popullit
Përherë kështu ka qenë
Mëkatarët tundin në erë
Kartën e moralit të prishur
Ndërsa bota zgërdhihet
E njerëzia vuan pambarimisht...