Erën e barotit kur unë e kam thithë
ti më thoje mua se jam teroristë,
me gjakun tim sot ti bënë politikë
më vret edhe njëherë për herë të dytë.
Nënë e babë dikur në varr mi ke sharë
e sot tek varri im ke ardhë për të qarë,
gjakun për lekë ma shet për çdo ditë
ik, prej varrit tim e mos ti shoh sytë.
Mos ma prek varrin, o dorë e fëlliqur
sahanlipirës..., servil e shpirtprishur,
mos më shkel ti mbi gjakun tim
mos mu afro pranë varrit tim.
Dikur më ke sharë fis.., komb..., e fe...
varret ku janë të mbuluara nën dhe,
më thoje se me ujkun ta kam prish miqsinë
e me karrigën ta kam humbur besnikrinë
Gjakun don për të ma shitur në pazar
o, shpirtflliqur..., e ti, ..., o, i marrë,
don të bësh pazarllëqe me gjakun tim
lotë krokodili vjenë e derdhë tek varri im.
Mos më prek varrin o, fytrë e ndytë
mos bënë me gjakun tim politikë,
ik prej gjakut e varrit tim, o i fëlliqur
o, hajdut..., hajn..., e shpirtprishur...