Si s’të gjeta o mik shpat me shpat
si s’ti gjeta o vëlla vargjet me gjak
ta kërkoj fjalën aty ku të mbet
në botën e gjakut do të gjejë o poet.

Të kërkoj në vargun e poezisë
n’rrezen e heshtjes e n’rrezen e zisë
do të kërkoj e n’gjethin e lagur me vesë
ti o gur i dashur ti o varr e besë.

Të kërkoj pranë oxhakut në kullë
n’zemër të fëmiut e në flamur
të karkoj aty
në vargun e gdhendur të fatit të ngrirë.

Të kërkoj n’vendlindje ku më nuk je
aty ku gjakun dhe jetën ti i dhe
të kërkoj aty aty në Drenicë
do të gjejë o poet aty në vargun e poezisë.

Të kërkoj poet në çdo pranverë
gjëmën tënde ta nuhas
vargu yt gjithmonë n’poezi do të mbesë
jo vdekja s’është në ty se ti nuk vdes.