Dashurinë e mallin vetëm unë ta di
Thellë në zemrën time më je ti
Aty të mbaj, fort të shtrëngoj
Vdekja më merr, por ty nuk të lëshoj

Nata është e egër veshur me acar
Unë i vetmuar jam mbytur në mall
Qielli vetëtin e yjet shuhen ngadalë
Agimi vjen i ftohtë, i fikur, pa zjarr.

Dhe dua t’më ngjallin zogjtë e malit
Që këndojnë në mal të Përzhalit
Do t’më ngjallin gurët dhe era që fryn
Duke më kërkuar me ulërimë...