Meditim, Rrëfim, Plotësi!
E përpara me Jezusin
dhe Virgjërën Mari,
me një zemër të re e plot Dashuri.

Meditim, Rrëfim, Plotësi!
Bashkë me Atin në një Përqafim.
Me zemrat e buta nga ku rrjedh mirësi,
përhapim kështu për të gjithë gëzim.

Meditim, Rrëfim, Plotësi,
se për të qenë në Plotësi ne jemi krijuar.
Për të njohur Ty o Shenjtja Trini,
e në amshim me Ty ne për të gëzuar.

Oh, Mister plot dritë i kësaj bote hyjnore,
oh, Jetë e re që zemrat ngazëllon!
Ti na mbushe me ndjenja fëmijërore,
Atë përherë i shenjtë, që veç Ti na mjafton.

Nikolin Sh. Lëmezhi
Bushat, më 07. 12. 2024