Karrigia E Së Vërtetës
Ulem në karrigen e së vërtetës
përballë kam fytyrat e tyre.
Tej dritares
ca zogj realë
kërkojnë të më flasin
me kodin e cicërimave.
Rrini zogj, më lini të qetë
qelqi ku përplaseni
s’është qiell i vërtetë…
-Keni qenë rastësisht në vendin e gabuar?
-Në çdo kohë ne jemi gabimisht të vonuar…
-A patë gjak në fytyrën e viktimës?
-Ishte natë dhe shikoja me dritë të vetëtimës…
-Velloja e nuses a dukej e përgjakur?
-S’kish vello, kish vetëm flatra në flakë…
-Po vrasësin, vrasësin a e pe?…
-Dhe vrasësi vetë qe shtrirë përdhe.
-Dhe dhëndrri dhe vrasësi shtrirë përbri
po ju me nusen çfarë bënit aty?
-Veç Zoti në qiell e di…
Rrini zogj, më lini të qetë
qelqi ku përplaseni
s’ështe qiell i vërtetë.
përballë kam fytyrat e tyre.
Tej dritares
ca zogj realë
kërkojnë të më flasin
me kodin e cicërimave.
Rrini zogj, më lini të qetë
qelqi ku përplaseni
s’është qiell i vërtetë…
-Keni qenë rastësisht në vendin e gabuar?
-Në çdo kohë ne jemi gabimisht të vonuar…
-A patë gjak në fytyrën e viktimës?
-Ishte natë dhe shikoja me dritë të vetëtimës…
-Velloja e nuses a dukej e përgjakur?
-S’kish vello, kish vetëm flatra në flakë…
-Po vrasësin, vrasësin a e pe?…
-Dhe vrasësi vetë qe shtrirë përdhe.
-Dhe dhëndrri dhe vrasësi shtrirë përbri
po ju me nusen çfarë bënit aty?
-Veç Zoti në qiell e di…
Rrini zogj, më lini të qetë
qelqi ku përplaseni
s’ështe qiell i vërtetë.