Ti mё kёshillon tё blej njё bilbil
Tё mё zgjojё mёngjezeve tё majit,
Tё drithmojё lulnajёn si puhizё
Pemёt, vitet dhe zemrёn e mallit.

Ti mё kёshillon tё blej njё bilbil
Qё t’i hapё shtigjet ligjёrimit
Tё mё çelё monopate ёndrrash
Tё mё shkundё blozёn e trishtimit.

Dhe zёrat e vjetёr tё mё fshijё
Nga shiriti i zemrёs sё munduar,
Tё mё fshijё mjegullёn nga sytё
E zёra papgajsh tё parfumuar.

Ti thua tё robёroj njё bilbil
Qё e deh kaq shumё qiell i lirё
Qё pyllit i vё zjarr me zёrin magjik
E rrёmben zemrat duke psherёtirё.

Ti mё kёshillon tё blej njё bilbil,
Po s’mund ta realizoj idenё kursesi,
Se tё dashuruarit kanё njёqind bilbila,
Qё u kёndojnё natё e ditё nё gji.

Qepallёdallandysheje vjen nata
E bilbilat ethshёm ligjёrimin nisin,
Njё mё ulet nё zemёr, njё nё buzё
E trishtimet si farёza çukisin.

Ti mё kёshillon tё blej njё bilbil
Tё mё zgjojё nё tё gjitha mёngjezet,
Po mos harro dielli im fatbardhё
Prej teje vinё bilbilat, tingujt, rrezet.