Gjaku si lumi rrodhi
Në Koshare valëvitet flamuri
Luftojnë trimat si shqiponja
S'ka kush i danë më trojet tona

Vijnë trimat nga perëndimi
Për atdhe i pret flijimi
Larg atdheut janë betuar
Trojet e shqipeve për t'i çliruar

Lanë familjet nê kurbet
Mos me lan atdheun vet
Rrokën armët si dikur
Në kala te shqipes me ngrit flamur

Për kosovë ranë shumë te ri
Me gjak u la kufiri
Mos me pas më kufi ndër veti
Mos me i nda shqipet as mali as deti

Mbi varret e tyre çelin lulëkuqet
Me krushqi merren nuset
Me këngë e lirisë.

Shkruar në vitin 99-tën.Tiranë.
Lavdi në përjetsi Dêshmoreve të lirisë, dhe shumë respekt për të mbijetuarit