Ka kohë që përpiqem për t’ju thënë diçka
Diçka për kurrgjënë, diçka për gjithçka
Ka kohë që n’shurdhësi po m’përplaset fjala
Për do kohë të mira, për do kohë t’përdala
Ka kohë që po pres të ma vëni veshin
Ju që iu ka dalë tambli mbi përsheshin
S’di pse ndiej nevojë për ta thënë një fjalë
Se ende s’kam vdekur, se ende jam gjallë
S’di pse ndiej nevojë t’më dëgjoj dikush
Kur thellë brenda meje diçka djeg si prush
Ka kohë që jam mbyllur n’timen dashuri
Më rilind o fjalë, m'shpërthe përsëri...