Çuditem me ju o njerëz
Shoh se druani goxha nga unë
Le t’më thotë kushdo prej jush
Se kam hëngër ndonjë njeri

Mos shikoni lëkurën time Ju e dini përrallën e gjarprit
Dhe unë jam n’ biçim të njeriut
Lëkurën e ndërroj sipas motit

Me ju mund të kem punë atëherë
Kur tentoni t’ma zini rrugën
Kur ju pengoni udhëtimin tim
Që t’ia plotësoj orekset djallit

Këtu mund ta humb arsyen
As vetë s’e di sa verbohem
Kushdo që më del përpara
Do ta shijojë armën që mbaj

Mjerë ai që e ka provuar
Dhe këta nuk janë aq të rrallë
Disa i shihni të gjymtë
Më shumë që tani hanë dhé

Unë bëj punën time Këtu përkrah e kam djallin