Gjurmët ende freskët rrezatojnë
Hija merr formën e gjallë
Ndëgjohet zëri i hollë në vazhdimësi
Ehoja gjallëron në oxhakun tim
Kujtoj zonjën e urtë
Qëndisur me këshilla dhe maturi
Sytë e saj udhëzuese me dashuri
Djali im ke kujdes jashtë ka rrezik...

Qëndronte tërë natën pranë shtratit
Duke ofruar qaj të nxehtë dhe kujdes
Fjalët si medodia e përkryer e natyrës
Uronin ngrohtësi dashuri dhe shërim.

Përgadiste valixhen e udhëtarit
Me shumë kujdes dhe brengë
Të lutem mos haro biri im
Lajmërohu posa të arrinë.

Dielli plazhi dhe jeta rinore
Orët e vona të natës në disco vallëzim
Mbrëmje të zjarrta aventura
Na takonin në lagunën Istria.

Nënë e dashur jamë mirë vapë është
Kërkesat janë të shumta shtrenjtësi
Loke nënë ‘ para’ më dërgo
Do qëndroj edhe do ditë në këtë parajsë tokë.

E brengosur frikësuar trembur
Netëve të gjata pret-derën shikjon
Mos ndoshta biri djali i dashur
Hap portën vjen dhe e përqafon
Ndihet e vetmuar me kuletën më se të zbrazur
Lidhë mëngjesin drekën dhe darkën...

Gjysmëfjetur kalon mbrëmjet e vetmuar
Papritmas dera hapet gëzimi përqafon
Shpërthen kënaqësia sytë tradhtojnë
Aromë deti freskia në ajër
Shtrin duartë uron mirëseardhje të ngrohtë
Sytë flasin bashkëbisedojnë dhe rrëfejnë
Përmallimin e zonjës së urtë...

Shtron sofrën a pasur
Përgaditur me shumë mund
Ndar nga goja trupi i gjorë
Asgjë nuk njollos këtë madhështi
Ndriçon dhoma mbretëron qetësia
Dielli luan me rrezet e vet
Ulen bashkë fjalët janë të pakëta...

Ajo tani larg në përjetësi
Ndriçon si drita në ahiret
Forca qetësia shpirtërore urtësia
Frymojnë në oxhakun tonë.