Nëse më ka mbet veç pak diell n’jetë
Lutjet do t’ia adresoj marsit kryeneq
T’bukurën ta mbajnë gjallë luftëtarët
Betejat veç ti Ajkunë m’i zëvendëson

T’kanë krijue n’pikturat e Penelopës
N’dashninë e atdheut t’bërë shkrumë e hi
Ngrite Prometheun nga fundi i Titanikut
T’i mundim stuhitë që vinë nga satelitët

Fal fuqi për t’i bërë dy kokat një shqipe
Të mos ringjallën më fytyra perandorësh
Vet zotnat kanë dashtë më të krijue Erna
Në t’bukurën e diellit më fal dashni yjesh

Sërish më ia thënë këngës krue n’krue
Më i la lotët e syve t’zanave që janë betue
N’betejat e atdheut mos më u ligështue
Kurrë këmbë bajlozash mos më lodrue

Edhe sa jetë më duhet t’bëj për ty Erna
Tani kur jeni ba bashkë në një fytyrë dielli
Me zana t’malit ma ruani mirë lirinë
Çdo cep t’shqipeve ma puthni Shqipinë.