Në cilin skaj të botës
jemi dashuruar e shkatërruar?
Në cilën kornizë kohore
krenaria na bëri t'huaj?

Do t'doja të ngrija një monument
në kujtesë të atyre ditëve,
që e shënuan një finale
pa shpresë për rikthime.

Kush ishte i pari
që tha fjalën e fundit,
e ndoshta pa dashje
agimin e bëri muzg?

Është e çuditshme
si erdhëm në k'të gjendje,
përveç krenarisë e dhembjes
asgjë tjetër s'më vjen në mendje…