Të falënderoj, Zoti im,
për jetën, që ma ke dhuruar!
Të falënderoj, Zoti im,
për këtë trup,
për këtë zemër!
Të falënderoj, Zoti im,
për duart, për këmbët,
për këto sy dhe veshë,
që Ti m’i ke dhënë,
por mbi të gjitha,
të falënderoj,
o Zoti im i dashur,
se, që në çastin kur më krijove,
përveç dy krahëve që shihen,
dy krahë të padukshëm
Ti më dhurove:
Krahët e Dashurisë,
me të cilët mund të fluturoj çdo ditë!