Si e kanë dallëndyshet hallin?
Nuk cicërijnë. S'di pse?
Herë ikin, herë vijnë në fole, herë dalin
Pastaj ikin e kthehen prap në fole.

Ditë-netët janë po ato
Të qelqta, të paqta, asgjë ndryshe
Veç pranverën, të trishtë e shoh
Dhe dallëndyshet.

Ikin radhë e radhë, pa cicërimë
Herë zhduken, herë në horizont shfaqen
Pranverë e vonuar sivjet duket
E dallëndyshet si njerëzit plaken.

Ikin radhë e radhë, pa cicërimë.